كل عام وأنتم بخير ورمضان مبارك
الموضوع عبارة عن دعوة لعمل الخير في أي وقت من العام وخاصة شهر الخير رمضان المبارك الذي يزداد فيه الأجر إن شاء الله
ممكن الإنسان يكون نفسه يعمل خير بس مش عارف إزاي
الموضوع مفتوح لجميع الأعضاء تدخل وتكتب سواء ما تريد أن تفعله من خير بس لا تعرف كيفية تنفيذه
أو ما فعلته وتريد النصيحة لإخوانها و أخواتها في المنتدى
من باب الأمر بالمعروف والدعوة إلى الله لا من باب التفاخر طبعا
وطبعا الدال على الخير كفاعله
بسم الله نبدأ
ممكن كل واحدة مننا تجمع من مصروفها
وتحاول تفطر صائم
أقولكم إزاي
ممكن لو عندك ولو حتى إثنين ثلاثة جنية لا تشعري أبدا أنه قليل
الحمد لله إنك عندك الجنيهات دي
تشتري زجاجات صغيرة من اللبن أقصد اللبن وليس الحليب
لبن رايب
نسيت في مصر إسمه إيه
بس عامة لبن أو عصير
وترسلي أحد من إخوانك بهم للمسجد
أنا عندي اللبن دا بريال واحد
ممكن نشتري كل يوم ولو واحدة ونعطيه لأحد من أقربائنا الصايمين أختنا أمنا بنت عمي أي شخص ويكون نيتنا إفطار صائم
ولو حبيتي كمان نعمل كدة ويكون نيتنا صدقة مش هقعد بقى أقولها وأمتن عليها و أقولها خدي صدقة آهي
إنتبهوا
أنا أجيب ولو علبة عصير من مصروفي و أقولها إتفضلي وبكل حب
ربنا يكرمكم
ممكن يكون عندي ولو جنيه واحد لا أستحي أبدا أن أتصدق به ممكن يكون هذا الجنيه خير عند الله من رجل معه ملاين ويتصدق بمئة جنيه أو خير من رجل يتصدق ولكن فلوسه من حرام
طيب أنا هأستحي أعطيه مثلا لجامع القمامة
خلاص ممكن أشتري به عصير ولو واحدة فقط و أعطيها له
كله بثوابه والله الكريم ويضاعف الأجر لمن يشاء
كل حاجة كويسة ربنا هيجازيكي عليها خير
طيب أنا مش عندي ولا جنيه بس مثلا عندي رصيد ولوقليل في الجوال طيب ممكن أرسل رسالة مفرحة لصديقتي أو قريبتي
وممكن أرسلها لقريبتي التي لا تسأل عني أبدا
الإبتسام صدقة كمان أبتسم في وجه الناس
حاجات كثيرة يلا كلنا نفكر مع بعض =======
الأربعاء سبتمبر 03, 2008 2:48 pm